Gənc oğlan həmyaşıdı tərəfindən bıçaqlanaraq qətlə yetirilib

İmereti polis əməkdaşları qəsdən adam öldürmə ittihamı ilə bir nəfəri saxlayıblar.

InterPress.ge xəbər verir ki, bu barədə Daxili İşlər Nazirliyi məlumat yayıb.

"İstintaqla müəyyən edilib ki, təqsirləndirilən şəxs qarşılıqlı mübahisə zəminində 2006-cı il təvəllüdlü Q.M.-ni Saçxere bələdiyyəsinin kəndlərindən birində soyuq silahla yaralayıb. Yaralı gənc xəstəxanaya çatdırılana qədər dünyasını dəyişib", - qurumun açıqlamasında bildirilir.

Qəsdən adam öldürmə faktı ilə bağlı Cinayət Məcəlləsinin 108-ci maddəsi ilə istintaq davam etdirilir. Cinayət 10 ildən 15 ilədək azadlıqdan məhrum etmə ilə cəzalandırılır.