Parlament qarşısında etiraz aksiyası yenidən başlayıb

Rustaveli prospektində etirazçılar avtomobil yolunu bağlayıblar.

InterPress.ge xəbər verir ki,  aksiya iştirakçıları “Rejimin girovları azad edilsin” və “Oliqarxiyaya od vurulsun” şüarlarını səsləndirirlər.

Etirazın 74-cü günündə nümayişçilər parlament binası qarşısında yenə də əsas tələbləri ilə toplaşıblar – yeni seçkilərin təyin edilməsi və aksiyalar zamanı saxlanılan şəxslərin azad olunması.

Bugünkü aksiyaya “Shua Kalakis Fanebi” serialının pərəstişkarları da qoşulub.

Bundan əvvəl Rustaveli prospektinin müəyyən hissəsində polis kordonu qurulmuşdu və yolun bağlanmasına imkan verilmirdi.