Telefonuza 112-dən gələn mesaj sizə xəbərdarlıq edir...

Gürcüstanın Daxili İşlər Nazirliyinin 112 xidməti əhaliyə hava şəraitinin kəskin pisləşməsi ilə bağlı xəbərdarlıq edib.

InterPress.ge xəbər verir ki, bu barədə 112 xidməti vətəndaşların mobil telefonlarına xəbərdarlıq mesajı göndərib.

Məlumata görə, 23-24 fevral tarixlərində Qara dəniz sahil zonasında güclü külək və fırtına gözlənilir.

112 xidməti vətəndaşları ehtiyatlı olmağa və təhlükəsizlik qaydalarına riayət etməyə çağırır. Xüsusilə, sahil bölgələrində yaşayan və dəniz yaxınlığında hərəkət edən şəxslərin daha diqqətli olmaları tövsiyə olunur.