2024-cü ildə Gürcüstanda yol-nəqliyyat qəzalarının sayı son 5 ilin ən yüksək səviyyəsinə çatıb

Gürcüstanda 2024-cü ildə 5 866 yol-nəqliyyat hadisəsi qeydə alınıb ki, bu da son beş ilin ən yüksək göstəricisidir.

InterPress.ge xəbər verir ki, bu barədə  məlumatı Milli Statistika Xidməti (Sakstat) Daxili İşlər Nazirliyinə istinadən yayıb.

Rəsmi məlumatlara görə, baş verən qəzaların 185-i içkili vəziyyətdə nəqliyyat vasitəsini idarə etmə səbəbilə olub.

İl ərzində yol qəzalarında 444 nəfər həyatını itirib, 7 587 nəfər isə müxtəlif dərəcəli xəsarətlər alıb.

Son 5 ildə Gürcüstanda baş vermiş yol-nəqliyyat hadisələrinin statistikası belədir:

• 2020 – 4 999 qəza

• 2021 – 5 863 qəza

• 2022 – 5 469 qəza

• 2023 – 5 594 qəza

• 2024 – 5 866 qəza

Son beş ildə ölkədə yol qəzaları nəticəsində ümumilikdə 2 215 nəfər həyatını itirib. İl üzrə ölüm hallarının sayı isə belə olub:

• 2020 – 450 nəfər

• 2021 – 449 nəfər

• 2022 – 430 nəfər

• 2023 – 442 nəfər

• 2024 – 444 nəfər

Bu göstəricilər Gürcüstanda yol təhlükəsizliyi məsələlərinin aktuallığını və preventiv tədbirlərin gücləndirilməsinin vacibliyini ön plana çıxarır.