Yağmurlu və küləkli hava olacaq-PROQNOZ

Mayın 10-u günün sonundan başlayaraq mayın 14-dək Gürcüstanda fasilələrlə yağış yağacağı, bəzi bölgələrdə yağıntının güclü olacağı, həmçinin ildırım, dolu və küləyin güclənməsi ehtimal olunur.

InterPress.ge xəbər verir ki, bu barədə Milli Ətraf Mühit Agentliyi məlumat yayıb.

Proqnozlara əsasən, gözlənilən yağıntılar çaylarda su səviyyəsinin ciddi artmasına, kiçik çaylarda daşqınlara, habelə ölkənin təpəlik və dağlıq ərazilərində sürüşmə və sel proseslərinin başlamasına və ya aktivləşməsinə səbəb ola bilər. Təhlükə səviyyəsi “orta” kimi qiymətləndirilir.