Bazar ərazisindən cinayət: Kişi güllələndi

Laqodexi bələdiyyəsinin Kabal kəndində silahlı insident nəticəsində bir kişi öldürülüb.

InterPress.ge xəbər verir ki, ilkin məlumata görə, kişi odlu silahla vurulub. Yerli sakinlərin bildirdiyinə görə, hadisə kənd bazarının ərazisində baş verib. Qətlə yetirilən şəxs orada yerləşən ət dükanının sahibi idi. Naməlum şəxs ona bir neçə dəfə atəş açıb.

Yaralı xəstəxanaya aparılsa da, həkimlərin səylərinə baxmayaraq, onun həyatını xilas etmək mümkün olmayıb.

Hadisənin digər detalları hələlik məlum deyil. Əraziyə polis qüvvələri cəlb olunub.

Faktla bağlı istintaq Gürcüstan Cinayət Məcəlləsinin 108-ci maddəsi – qəsdən adam öldürmə faktı üzrə aparılır.