Avtomobil piyadanı vurdu – bir nəfər həyatını itirdi

Xaşuri bələdiyyəsinin Qom kəndində baş vermiş yol-nəqliyyat hadisəsi nəticəsində bir kişi həyatını itirib.

InterPress.ge xəbər verir ki yerli sakinlərin verdiyi məlumata görə, mərhum yolun kənarı ilə hərəkət edərkən avtomobil tərəfindən vurulub. Həlak olan şəxs Qom kəndinin sakini idi.

Gürcüstan Daxili İşlər Nazirliyinin məlumatına əsasən, hadisə ilə bağlı istintaq Cinayət Məcəlləsinin 276-cı maddəsi ilə aparılır. Bu maddə nəqliyyat vasitələrinin hərəkət və ya istismarı qaydalarının pozulması nəticəsində insan ölümünə səbəb olma hallarını nəzərdə tutur.