Təhlükə artır: Gürcüstanın Ətraf Mühitin Mühafizəsi Nazirliyi vətəndaşlara meşə yanğınları ilə bağlı xəbərdar edir
Gürcüstanın Ətraf Mühit və Kənd Təsərrüfatı Nazirliyi artan hava temperaturu fonunda meşə yanğınlarının riskinin yüksəldiyi barədə əhaliyə xəbərdarlıq edir.
InterPress.ge xəbər verir ki, qurum vətəndaşlara meşələrdə hərəkət zamanı xüsusi ehtiyatlılıq göstərməyə və mövcud qadağalara əməl etməyə çağırır.
Nazirliyin məlumatına görə, temperaturun yüksəlməsi təkcə Gürcüstanda deyil, digər ölkələrdə də müşahidə olunur. Son olaraq Türkiyənin mərkəzi hissəsində, Eskişehir vilayətində baş vermiş meşə yanğınında 10 yanğınsöndürən həlak olub, 14 nəfər isə xəsarət alıb. Faciənin səbəbi bölgədə küləyin istiqamətinin qəfil dəyişməsi olub ki, bu da yanğınsöndürənlərin ərazidən vaxtında çıxmasına imkan verməyib.
Gürcüstanda da artıq alpin zonalarda bir neçə kiçik yanğın qeydə alınıb. Bu hallara Fövqəladə Halların İdarəetmə Xidməti və regional meşə təsərrüfatı əməkdaşları tərəfindən operativ şəkildə müdaxilə edilərək yanğınlar lokallaşdırılıb.
Nazirlik bir daha xatırladır ki, meşə ərazilərində od qalamaq müəyyən yerlər istisna olmaqla qadağandır. Qadağan olunan ərazilərə aşağıdakılar daxildir:
Ağacların budaqları altında
İynəyarpaqlı gənc meşələrdə
Keçmiş yanğın sahələrində
Zədələnmiş meşə hissələrində (külək və ya fırtına nəticəsində)
Təmizlənməmiş meşə kənarlarında
Daşınmamış odun materiallarının saxlanıldığı yerlərdə
Torf və qurumuş otla örtülü sahələrdə
Qalan ərazilərdə isə odun yalnız əvvəlcədən hazırlanmış təhlükəsiz sahədə qaladılması icazəlidir. Bu zaman odun ətrafında 1,5 metr radiusda tezalışan materiallardan (saman, quru ot, yarpaq, budaq və s.) tam təmizlənməsi tələb olunur.
Nazirlik bildirir ki, Gürcüstanın İnzibati Xətalar Məcəlləsinə əsasən, meşə yanğın təhlükəsizliyi qaydalarının pozulması hallarında:
Yanğın nəticəsində meşənin zədələnməsi və ya məhv edilməsi 300-500 lari cərimə ilə cəzalandırılır;
Meşədə səhlənkarlıqdan baş verən yanğın isə 4 ildən 8 ilədək azadlıqdan məhrumetmə ilə nəticələnə bilər.
Qurum əhalini məsuliyyətli davranmağa və meşə ərazilərində ehtiyatlı olmağa çağırır.
