Tbilisi-Marneuli yolunda bir nəfər saxlanıldı

Gürcüstan Daxili İşlər Nazirliyinin Kvemo Kartli Polis Departamentinin istintaq idarəsi əməkdaşları kompleks əməliyyat-axtarış və istintaq tədbirləri nəticəsində Azərbaycan Respublikasının vətəndaşını dövlət sərhədini qanunsuz keçməkdə ittiham edərək saxlayıblar.

InterPress.ge xəbər verir ki, bu barədə DİN məlumat verib. 

Nazirliyin məlumatına görə, cinayət 5 ilədək azadlıqdan məhrumetmə cəzası nəzərdə tutur.

İstintaqla müəyyən olunub ki, 1998-ci il təvəllüdlü Ç.Q. Gürcüstan dövlət sərhədini sərhəd nəzarətindən kənar, qanunsuz olaraq keçib. O, Tbilisi–Marneuli yolunda avtomobillə hərəkətdə olarkən saxlanılıb.

Faktla bağlı Gürcüstan Cinayət Məcəlləsinin 344-cü maddəsi üzrə istintaq aparılır.