Ağ Evdə Donald Tramp, Volodimir Zelenski və Avropa liderlərinin görüşü keçirilir

Ağ Evdə ABŞ Prezidenti Donald Tramp, Volodimir Zelenski və Avropa liderlərinin iştirakı ilə görüş keçirilir.

InterPress.ge xəbər verir ki, görüşdən öncə Tramp,  Zelenski və Avropa liderləri birgə foto çəkdiriblər.

Toplantıda ABŞ və Ukrayna prezidentləri Donald Tramp və Volodimir Zelenski ilə yanaşı Almaniyanın kansleri Fridrix Mers, Fransa Prezidenti Emmanuel Makron, Finlandiya Prezidenti Aleksandr Stub, NATO-nun baş katibi Mark Rutte, Böyük Britaniyanın Baş naziri Kir Starmer, Avropa Komissiyasının Prezidenti Ursula fon der Lyayen və İtaliyanın Baş naziri Corciya Meloni iştirak edirlər.

Xatırladaq ki, Avropa liderləri ilə müzakirələrdən əvvəl Donald Tramp və Volodimir Zelenski arasında ikitərəfli görüş baş tutub.