Ədliyyə Evi fəaliyyətini bərpa edib

Ədliyyə Evindən verilən məlumata görə, qurum artıq adi rejimdə, fasiləsiz fəaliyyətini davam etdirir.

Yayılan məlumatda bildirilir ki, qlobal texniki nasazlıq aradan qaldırılıb və bu səbəbdən Ədliyyə Evinin filiallarında gecikən Xüsusi Hüquqi Şəxslərin – “Milli İctimai Reyestr Agentliyi”, “İcra Milli Bürosu” və “Gürcüstan Notariuslar Palatası”nın xidmətlərinin göstərilməsi bərpa olunub.

Xatırladaq ki, ötən gün Ədliyyə Evi qlobal texniki nasazlıq səbəbindən həm filiallarda, həm də notariat kontorlarında bir sıra xidmətlərin göstərilməsində çətinliklərin yaşandığını açıqlamışdı.