Rustaveli prospektində aksiya davam edir

Artıq 279-cu gündür ki, Rustaveli prospektində etiraz aksiyası keçirilir.

InterPress.ge xəbər verir ki, vətəndaşlar bu gün səhər saatlarından parlamentin qarşısına toplaşıb.

Onlar əvvəlcə parlamentin plenar iclasının keçirildiyi arxa girişə toplaşıblar. Vətəndaşlar 2008-ci ilin avqust müharibəsi ilə bağlı müvəqqəti istintaq komissiyasının çıxardığı nəticəyə etiraz edirlər.

Rustaveli prospektində keçirilən aksiyaya Ədliyyə Evinə doğru yürüş edən etirazçılar da qoşulub, oradan isə parlamentə qayıdıblar.

Rustaveli prospektində davam edən etiraz aksiyasında saxlanılanların sayı 23-ə çatıb. Daxili İşlər Nazirliyindən verilən məlumata görə, bütün şəxslər inzibati qaydada saxlanılıb.