Ağır yol qəzası baş verdi - 15 nəfər yaralanıb

Baxmaroda baş verən yol qəzası nəticəsində 15 nəfər xəsarət alıb.

InterPress.ge xəbər verir ki, ilkin məlumata görə, mikroavtobusun sürücüsü sükanı idarə edə bilməyib və nəqliyyat vasitəsi yoldan çıxıb.

Yaralananlar arasında xarici ölkə vətəndaşları da var. Onların hamısı xəstəxanaya yerləşdirilib.

Daxili İşlər Nazirliyinin məlumatına görə, faktla bağlı Gürcüstan Cinayət Məcəlləsinin 276-cı maddəsi üzrə istintaq başlayıb. Maddə nəqliyyat vasitələrinin hərəkət və istismar qaydalarının pozulmasını nəzərdə tutur.