İrakli Kobaxidze Birləşmiş Ərəb Əmirliklərinin Prezidenti Şeyx Məhəmməd bin Zayed Əl Nəhyan ilə görüşüb

Gürcüstanın Baş naziri İrakli Kobaxidze Birləşmiş Ərəb Əmirliklərinin prezidenti Şeyx Məhəmməd bin Zayed Əl Nəhyan ilə görüşüb.

InterPress.ge xəbər verir ki, bu barədə hökumət administrasiyası məlumat yayıb.

Qurumun məlumatına görə, görüşdə Gürcüstan və Birləşmiş Ərəb Əmirlikləri arasında siyasi və iqtisadi əməkdaşlığın inkişafının müsbət dinamikasına diqqət yetirilib. Hökumət başçısı Şeyx Məhəmməd bin Zayed Əl Nəhyanın səfərinin xüsusi əhəmiyyətini vurğulayıb və bunun iki ölkə arasında tərəfdaşlığın daha da dərinləşməsinə töhfə verəcəyini qeyd edib. Birləşmiş Ərəb Əmirliklərinin prezidenti Gürcüstan və Birləşmiş Ərəb Əmirlikləri arasında müxtəlif sahələrdə sıx əməkdaşlığa diqqət yetirib. Şeyx Məhəmməd bin Zayed Əl Nəhyan ticarət əlaqələrinin artan dinamikasına və iki ölkənin sülh və sabitliyin vacibliyi baxımından ortaq baxışını vurğulayıb.

“Hökumət administrasiyasında genişləndirilmiş formatda keçirilən görüşdə iki ölkənin nazirlər kabinetinin üzvləri iştirak edirdilər. Görüşdən sonra Gürcüstanın İqtisadiyyat və Davamlı İnkişaf naziri Mariam Kvrivişvili və Eagle Hills Group-un təsisçisi və sədri Mohamed Alabar arasında Gürcüstanda ümumi dəyəri 6 milyard ABŞ dolları olan iki miqyaslı investisiya layihəsinin həyata keçirilməsini nəzərdə tutan sazişlər mübadiləsi aparılıb. Sənədlərin mübadiləsinin rəsmi mərasimində Gürcüstanın Baş naziri İrakli Kobaxidze və Birləşmiş Ərəb Əmirliklərinin prezidenti, Şeyx Məhəmməd bin Zayed Əl Nəhyan iştirak etdilər”, – hökumət administrasiyasının yaydığı məlumatda deyilir.