Yaşayış evində baş verən yanğında iki nəfər ölüb

Çxoroçku bələdiyyəsinin Xabume kəndində yaşayış evində baş verən yanğın iki nəfərin həyatına son qoyub.

InterPress.ge xəbər verir ki, kənd üzrə mer nümayəndəsi Nestan Qarçavanın verdiyi məlumata görə, yanğın bu gün səhər tezdən qeydə alınıb.

Onun sözlərinə görə, hadisə nəticəsində ana və övladı həlak olub. Yanğın baş verən əraziyə bir neçə yanğınsöndürmə-xilasetmə briqadası cəlb edilib, polis əməkdaşları da hadisə yerində olub.

Hazırda yanğının başvermə səbəbi məlum deyil, faktla bağlı araşdırma aparılır.