İran İnqilab Keşikçiləri : “Hücumlar davam edərsə, ağır zərbələr endiriləcək”

İran İslam İnqilabı Keşikçiləri Korpusu İsrailə sərt xəbərdarlıq edib.

InterPress.ge xəbər verir ki, qurumun yaydığı bəyanatda bildirilir ki, İsrail ordusu Livan və Qəzzada mülki əhaliyə qarşı hücumları davam etdirəcəyi təqdirdə, ona ağır zərbələr endiriləcək.

Bəyanatda qeyd olunur ki, İsrail regionda müharibəni genişləndirmək və diqqəti İrandan yayındırmaq üçün Livan və Fələstində mülki əhaliyə qarşı “müharibə cinayətləri” törədir.

“Bu prosesin davam etməsi yolverilməzdir. Əgər Livan və Qəzzada mülki itkilərin sayı artmaqda davam edərsə, İsrail qüvvələri İran İslam Respublikası və İnqilab Keşikçiləri Korpusu tərəfindən ağır raket və dron zərbələrinin hədəfinə çevriləcək”, – deyə bəyanatda vurğulanıb.