Gürcüstanın 2027-ci il büdcəsində hökumətin ehtiyat fondu üçün 90 milyon lari ayrılacaq

Gürcüstanın 2027-ci il dövlət büdcəsindən hökumətin ehtiyat fondu üçün 90 milyon lari ayrılacaq. Bu göstərici cari ildə hökumətin ehtiyat fondu üçün nəzərdə tutulan vəsaitlə eynidir.

InterPress.ge xəbər verir ki, parlamentə təqdim olunan sənədə əsasən, digər büdcə fondları da yaradılacaq. Regionlarda həyata keçiriləcək layihələr fondu üçün 760 milyon lari nəzərdə tutulub. Bu fonddan vəsait yalnız bələdiyyə tərəfindən birgə maliyyələşdirmə təmin edildiyi halda ayrılacaq.

Yüksək dağlıq yaşayış məntəqələrinin inkişafı fondunun həcmi 20 milyon lari müəyyənləşdirilib.

Həmçinin əvvəlki illərdə yaranmış borcların ödənilməsi və məhkəmə qərarlarının icrasına dəstək fondunun həcmi 20 milyon lari olacaq.

Hökumətin ehtiyat fondundan və Gürcüstan regionlarında həyata keçiriləcək layihələr fondundan vəsait ayrılması ilə bağlı təklifləri büdcə təşkilatlarının, bələdiyyələrin, eləcə də Abxaziya və Acarıstan muxtar respublikalarının müvafiq qurumlarının müraciətləri əsasında Gürcüstan Maliyyə Nazirliyi Baş nazirə və ya hökumətə təqdim edəcək.