Pedro Sançes: “Çin də bazarını açmalıdır, əks halda Avropa bağlanmağa məcbur qala bilər”

İspaniyanın baş naziri Pedro Sançes Çinə rəsmi səfəri zamanı Avropa ilə Çin arasındakı ticarət balansına toxunaraq Pekinə açıq mesaj verib: “Çin də bazarını açmalıdır, əks halda Avropa bağlanmağa məcbur qala bilər”.

InterPress.ge xəbər verir ki, bu barədə Pedro Sançes Çində rəsmi çıxışı zamanı bildirib.

Onun sözlərinə görə, Avropa ilə Çin arasında ticarət kəsiri artmaqda davam edir və bu, artıq ciddi narahatlıq doğurur. Baş nazir qeyd edib ki, ötən il bu kəsir 18% artıb və bu tendensiya orta və uzunmüddətli perspektivdə davamlı hesab oluna bilməz.

“Çin də eyni addımı atmalıdır – açılmalıdır ki, Avropa bağlanmaq məcburiyyətində qalmasın; bizim aramızdakı balanssız ticarət kəsirinin aradan qaldırılmasına kömək etməlidir. Bu kəsir yalnız ötən il 18% artıb və bu, cəmiyyətlərimiz üçün orta və uzunmüddətli perspektivdə dayanıqlı deyil”, – deyə Pedro Sançes vurğulayıb.