Tramp: İranla nüvə silahı olmadan razılaşma əldə edəcəyik

“Biz İranla razılaşmaya nail olacağıq və bu, nüvə silahı olmadan yaxşı bir razılaşma olacaq.”

InterPress.ge xəbər verir ki, bu barədə ABŞ prezidenti Donald Tramp bildirib.

Donald Tramp İranla əldə olunacaq razılaşmanın 20 ildən artıq müddət ərzində bu ölkənin nüvə silahına malik olmamasını nəzərdə tutacağını qeyd edib.

Onun sözlərinə görə, ABŞ bu məsələ ilə bağlı “çox güclü bəyanata” malikdir və İranın uzunmüddətli perspektivdə nüvə silahı əldə etməsinin qarşısı alınacaq.

“Gəlin açıq danışaq, 20 illik limit əslində mövcud deyil”, – deyə Tramp əlavə edib.

Qeyd edək ki, məsələ ilə bağlı İran tərəfindən hələlik rəsmi reaksiya verilməyib.