Gürcüstanda azyaşlıların əmək hüquqlarının pozulması ən çox ticarət sektorunda qeydə alınıb

Əmək Müfəttişliyi Xidmətinin məlumatına görə, 18 yaşınadək şəxslərin əmək hüquqlarının pozulması halları ən çox topdansatış və pərakəndə ticarət sahəsində aşkarlanıb.

InterPress.ge xəbər verir ki, bu barədə Əmək Müfəttişliyi Xidmətinin 2025-ci il üzrə hesabatında məlumat yer alıb.

Hesabata əsasən, Gürcüstanın Əmək Məcəlləsi və “Əmək Təhlükəsizliyi haqqında” qanun çərçivəsində 18 yaşınadək şəxslərin əmək hüquqlarına nəzarət nəticəsində hesabat dövründə 16 iş yerində 26 azyaşlı ilə bağlı pozuntu müəyyən edilib.

Məlumata görə, Gürcüstanın Əmək Məcəlləsi ilə nəzərdə tutulan normaların pozulması 15 iş yerində 25 azyaşlı ilə bağlı qeydə alınıb.

Bundan əlavə, “Əmək Təhlükəsizliyi haqqında” qanunun 5-ci maddəsinin 6-cı bəndinin pozulması isə 1 iş yerində 1 azyaşlı ilə bağlı aşkarlanıb.

Əmək Müfəttişliyi Xidməti bildirir ki, azyaşlıların əmək hüquqlarının qorunması istiqamətində nəzarət tədbirləri davam etdirilir.