İran İslam İnqilabı Keşikçiləri Korpusu Bəhreyn və Küveytdəki 85 ABŞ hərbi obyektinə hücum etdiyini bildirib

Bəhreyndə hava həyəcanı siqnalları səsləndirilib. Ölkənin Daxili İşlər Nazirliyi vətəndaşları təhlükəsizlik qaydalarına ciddi əməl etməyə çağırıb.

InterPress.ge xəbər verir ki, bu barədə CNN Bəhreyn Daxili İşlər Nazirliyinə istinadən məlumat yayıb.

"Sakitliyi qoruyun və ən yaxın təhlükəsiz sığınacağa gedin", – deyə nazirliyin yaydığı məlumatda bildirilir.

Qeyd olunur ki, bu, nazirliyin son təxminən iki saat ərzində yaydığı ikinci xəbərdarlıqdır.

Bundan əvvəl İran İslam İnqilabı Keşikçiləri Korpusu (SEPAH/IRGC) bəyan etmişdi ki, ABŞ-ın İrana endirdiyi zərbələrə cavab olaraq Bəhreyn və Küveytdə yerləşən ABŞ-a məxsus 85 hərbi obyektə raket və pilotsuz uçuş aparatları ilə hücum həyata keçirilib.

Hazırda vəziyyət gərgin olaraq qalır və rəsmi qurumlar əhalini yalnız etibarlı məlumat mənbələrini izləməyə çağırırlar.