Ağır yol qəzası nəticəsində gənc oğlan həyatını itirdi

Laqodexi bələdiyyəsində baş verən yol-nəqliyyat hadisəsi 25 yaşlı kişinin ölümü ilə nəticələnib.

InterPress.ge xəbər verir ki, mövcud məlumata görə, gənc dostu ilə birlikdə avtomobillə hərəkətdə olarkən Tsxakaia kəndi yaxınlığında idarəetməni itirib və yük mikroavtobusu ilə toqquşub.

Qəza nəticəsində aldığı ağır xəsarətlərdən 25 yaşlı sürücü hadisə yerində həyatını itirib.

Avtomobildə olan digər şəxs isə ağır yaralanaraq xəstəxanaya çatdırılıb.

Faktla bağlı Gürcüstan Cinayət Məcəlləsinin 276-cı maddəsi ilə istintaq aparılır. Bu maddə nəqliyyatın hərəkət və ya istismar qaydalarının pozulmasını nəzərdə tutur.