Gürcüstanda iyul ayının 13-dək olan hava proqnozu açıqlandı

Sinoptiklərin proqnozuna əsasən, 11 iyul axşam saatlarından 13 iyul səhərinədək Şərqi Gürcüstanda fasilələrlə yağıntılı hava şəraiti müşahidə olunacaq.

InterPress.ge xəbər verir ki, bu barədə Gürcüstanın Milli Ətraf Mühit Agentliyi məlumat yayıb.

Məlumata görə, Mtsxeta-Mtianeti və Kaxeti bölgələrinin bəzi ərazilərində güclü yağış gözlənilir. Həmçinin şimşək çaxacağı, dolu düşəcəyi və küləyin güclənəcəyi ehtimal olunur.

Agentliyin bildirdiyinə əsasən, gözlənilən intensiv yağıntılar nəticəsində çaylarda suyun səviyyəsi arta, kiçik çaylarda sel hadisələri baş verə, təpəlik və dağlıq ərazilərdə isə sürüşmə və palçıq axını prosesləri yarana və ya aktivləşə bilər.

Qeyd olunub ki, təhlükə səviyyəsi orta qiymətləndirilir.