Tikintidə bədbəxt hadisə – uçan iskələ işçini altında qoydu

Kutaisi şəhərində yaşayış binasının tikintisi zamanı bədbəxt hadisə baş verib.

InterPress.ge xəbər verir ki, hadisə İoseliani küçəsində inşa edilən yaşayış binasında qeydə alınıb.

Mövcud məlumata görə, beton tökülməsi zamanı iskələ (xaraca) çökərək tikintidə çalışan şəxsi altında qoyub.

Hadisə nəticəsində xəsarət alan şəxsin sağlamlıq vəziyyəti ilə bağlı hələlik rəsmi məlumat açıqlanmayıb.

Hadisə yerinə təcili tibbi yardım briqadası və Patrul Polisi cəlb olunub.

Ərazi təhlükəsizlik məqsədilə sarı xəbərdarlıq lenti ilə əhatəyə alınıb.

Faktla bağlı araşdırma aparılır.