Avropa Birliyi koronavirusla mübarizə üçün Gürcüstana milyonlarla avro qrant ayırdı
“Bu gün Avropa Birliyi, Kovid-19 böhranından çıxmaq üçün Gürcüstana 60 milyon avro (təqribən 240 milyon GEL) qrant ayırdı. Bu vəsait Gürcüstan Hökumətinin böhrana qarşı iqtisadi planının həyata keçirilməsinə dəstək məqsədi daşıyır”.
InterPress.ge xəbər verir ki, bu barədə AB-nin Gürcüstandakı nümayəndəliyi xəbər verir.
“Avropa Birliyi pandemiya dövründə Gürcüstanı ciddi şəkildə dəstəkləməyə davam edir. 240 milyon GEL qrant, Aİ və Avropa Komandası tərəfindən hökumətin pandemiya ilə mübarizədə Gürcüstan hökumətinə dəstək vermək, habelə bir çox insanın üzləşdiyi kəskin problemlərin öhdəsindən gəlməsində Gürcüstan vətəndaşlarına kömək etmək üçün səfərbər etdiyi 1.5 milyard GEL qrantın bir hissəsidir”,- dedi AB-nin Gürcüstandakı səfiri Karl Hartzel.
"Bu vəsaitlər, Avropa Birliyinin Gürcüstana böhrana qarşı iqtisadi planını həyata keçirməsində kömək edəcəyi “Kovid-19 Gürcüstan Davamlılıq Sazişində” nəzərdə tutulan 75 milyon avronun (təxminən 300 milyon GEL) ilk hissəsidir. Plana gəlir mənbələrinin itkisindən qaynaqlanan mənfi təsirlərin azaldılması, iş yerlərinin qorunması, biznesə dəstək və səhiyyə sisteminin gücləndirilməsinə yönəlmiş fəaliyyətlər daxildir.
Aİ yardımının əsas məqsədi Gürcüstan vətəndaşlarına və müəssisələrinə pandemiyanın mənfi təsirlərini aradan qaldırmaqda dəstək olmaqdır. Bu vəsaitin ayrılması qərarı hökumətin böhrana qarşı iqtisadi planı, iqtisadi siyasəti, dövlət maliyyə qaynaqlarının idarə edilməsi və büdcə şəffaflığı təsdiqləndikdən sonra qəbul edilmişdir.
Qalan vəsait hökumət tərəfindən həssas ailələrə sosial yardımın göstərilməsi, iş yerlərinin saxlanmasında sahibkarlıq subyektlərinə dəstək və reanimasiya yataqlarının sayının artırılması üçün həyata keçirdiyi tədbirlərin qiymətləndirilməsi əsasında ayrılacaqdır. Bu tranşdan əvvəl bu il 25 noyabrda həyata keçirilmiş makro-maliyyə yardımı üçün 100 milyon Avro (təqribən 400 milyon GEL) kredit verildi. Hər iki tranş, Gürcüstanın səhiyyə sistemi, sosial sahə və iqtisadi bərpa üçün dəstəyi də əhatə edən 1,5 milyard GEL-lik ümumi yardım paketinin bir hissəsidir”,- deyə AB-nin Gürcüstandakı nümayəndəliyinin yaydığı məlumatda bildirilir.
