Messi daha bir rekorda imza atdı

İspaniya Kubokunun 1/8 finalında “Barselona” “Leqanes”ə 5:0 hesabı ilə qalib gəlib.

İnterPress.ge “Çempionat”a istinadən xəbər verir ki, bu Messinin Katalon klubunda 500-cü qələbəsi oldu.

Bu göstərici İspaniya üçün rekord oldu. Bu qədər qələbə çalmaq üçün əfsanəvi futbolçu “Barselona”nın heyətində 709 oyun keçirib, 622 qol vurub və 241 asistə imza atıb.

Həmçinin Messinin iştirak etdiyi görüşlərdə “Barselona” 131 dəfə heç-heçə edib və 79 dəfə məğlub olub.

Qeyd edək ki, bu göstərici üzrə altılığa növbəti futbolçular daxildir: Xavi (482 qələbə), İker Kasilyas (463), Andres İnyesta (459), Andoni Subisaretta (444) və Serxio Ramos (439).