Bu ölkə Çində olmuş hər kəsə qapılarını bağladı

Qvatemala ölkə ərazisində sanitar həyəcan elan edib.

InterPress.ge xəbər verir ki, qərara əsasən, yanvarın ortalarından sonra Çinə səfər edən bütün şəxslərin ölkəyə girişi qadağan edilib.

Sanitar həyəcan siqnalı həm hava, həm dəniz limanlarına, həm də sərhəd-keçid məntəqələrinə çatdırılıb.

Çin ərazisindən bütün reyslər də qeyri-müəyyən vaxta qədər təxirə salınıb.

Qeyd edək ki, bir müddət öncə Çin Xalq Respublikasının Gigiyena və Səhiyyə üzrə Komitəsi ölkədə 9692 nəfərin virusa yoluxduğunu və 213 nəfərin öldüyünü bildirmişdi. Komitədən verilən məlumata əsasən, virusa yoluxma ən çox Hubey əyalətində (7,1 min yoluxma, 249 ölüm hadisəsi) qeydə alınıb.