23 
Yan
2022
22:01
200

Ermənistan prezidenti istefa verdi

Ermənistan prezidenti Armen Sarkisyan istefa verib.

InterPress.ge xəbər verir ki, Armen Sarkisyan prezidentin internet saytında yerləşdirdiyi bəyanatda istefa qərarının emosional əsasda verilmədiyini və bunun müəyyən məntiqə əsaslandığını bildirib.

“Biz unikal reallıqda, prezidentin müharibə və sülh məsələlərinə təsir edə bilməyəcəyi, millət və dövlət üçün ağılsız hesab etdiyi qanunlara veto qoya bilməyəcəyi, Prezidentliyin dövlət üstünlüyü kimi deyil, müxtəlif siyasi qruplar üçün təhlükə kimi göründüyü, Prezidentin ölkəyə kömək edə biləcək konstitusiya vasitələri olmadığı bir reallıqda yaşayırıq. Prezidentin ölkə üçün çətin olan bu dövrdə daxili və xarici siyasətdəki radikal proseslərə təsir etmək üçün alətləri yoxdur”, - bəyanatda deyilir.

Armen Sarkisyanın fikrincə, Ermənistanın indiki çətin zamanda düşünülmüş addımlar atması zəruridir. Prezident vətəndaşlara, Ermənistan ordusunun əsgərlərinə, Prezident Administrasiyasının əməkdaşlarına və dövlət strukturlarında çalışan insanlara təşəkkür edib.

 

Bizimlə əlaqə saxlayın