Yunanıstanda iki Gürcüstan vətəndaşı mənzildən oğurluq edərkən saxlanılıb

Yunanıstanda 28 və 30 yaşlı Gürcüstan vətəndaşları mənzildən oğurluq edərkən saxlanılıb.

InterPress.ge xəbər verir ki, bu barədə Yunanıstan mətbuatı məlumat yayıb.

Məlumata görə, soyğunçular dünən Şərqi Salonikinin Kalamaria rayonunda  saxlanılıblar.

Onlar mənzildən 120 avro və qızıl-zinət əşyaları götürüblər.

Bundan əlavə, binanın damından içərisində soyğunçuluq üçün nəzərdə tutulan alətləri olan çanta aşkar edilərək götürülüb.