Bələdiyyələrin səlahiyyətləri artırılır

“İnzibati Xətalar Məcəlləsi”ndə nəzərdə tutulmuş konkret hüquqpozmalara görə bələdiyyələrin səlahiyyətləri artırılacaq.

InterPress.ge xəbər verir ki, layihənin təşəbbüskarı İrakli Zarkuadır.

Zarkua izah edib ki, mövcud reqlamentə əsasən, bələdiyyələrdə hər hansı qanun pozuntusu baş verərsə, məsələn, özbaşına tikinti, tikinti materialları ilə ətrafı çirkləndirmə və meydanlara ziyan vurma halında yerli bələdiyyələrə və meriyalar cərimə tətbiq etmək səlahiyyəti verilmir.  Onlar müvafiq protokolla məhkəməyə müraciət edə bilərlər, orada hakim konkret iş üzrə cərimənin tətbiq edilib-edilməyəcəyinə müzakirədən sonra qərar verəcək. 

Zarkuanın sözlərinə görə, mövcud məcəlləyə görə, əgər şəxs dövlət və ya bələdiyyə ərazisində icazəsiz tikintiyə başlayarsa, o, özünü idarə edən şəhərlərdə cəmi 6 min lari, şəhərlərdə 4 min lari, qəsəbələr və kəndlərdə isə 1000 lari məbləğində cərimə olunur.

"Qanunsuz tikinti baş verərsə, ilk dəfə olaraq, 25 min lari və dayandırma əmri olacaq. Qanunsuz tikinti davam etdiyi halda 50 min lari cərimə tətbiq ediləcək, tikinti davam edərsə, o zaman cinayət işi başlanacaq. Şəxsi mülkiyyətdə olan torpaqlarda tikintiyə icazənin pozulmasına görə 20 min lari məbləğində cərimə tətbiq edilir. Bu, yalnız 3-cü və 4-cü siniflərə, yəni korpusların tikilməsinə aiddir, 1-ci və 2-ci kateqoriyalara, yəni iki mərtəbəli evlər halında cərimələr artmayacaq”, - deyə o söyləyib.