Aİ səfiri 12 tövsiyənin icrası ilə bağlı: "Biz bu prosesi çox yaxından izləyirik"

"Biz bu prosesi çox yaxından izləyirik. Hələ vaxt var, çünki təqvimə əsasən, biz yalnız gələn ilin yazında icranı qiymətləndirəcəyik".

InterPress.ge xəbər verir ki, bunu Aİ-nin Gürcüstandakı səfiri Pavel Herçinski deyib.

Onun sözlərinə görə, Avropanın Qonşuluq Siyasəti və Genişlənmə üzrə komissarı Oliver Varhey ötən həftə Gürcüstana səfər edib və o, 12 tövsiyənin icrası ilə bağlı bəzi ilkin qiymətləndirmə təqdim edib.

“Biz bu prosesi çox diqqətlə izləyirik. Hələ vaxt var, çünki təqvimə əsasən biz yalnız gələn ilin yazında icranı qiymətləndirəcəyik. Avropa Komissiyasının rəsmi rəyi yalnız gələn ilin oktyabrında gözlənilir və bundan sonra gələn ilin sonunda bizim liderlərimiz, Avropa Şurası Gürcüstanın əldə etdiyi irəliləyişi müzakirə edəcək. Deməli, hələ vaxt var, amma mən bilirəm ki, Gürcüstan tərəfi qarşısına çox iddialı bir müddət qoyub və parlament komitələrində 12 prioritetin həyata keçirilməsi ilə bağlı iş gedir. Biz istəyirik ki, bu proses müstəsna və konstruktiv şəkildə, hamının, istər iqtidar, istərsə də müxalifət partiyalarının iştirakı ilə keçirilsin, qeyri-hökumət təşkilatları, vətəndaş cəmiyyəti də lazımi şəkildə işə cəlb olunmalıdır”, - diplomat vurğulayıb.