İrakli Ğaribaşvili: "Mən baş nazir kimi ölkəmizin maraqlarını qorumağa borcluyam"

Mən ölkəmizin baş naziri kimi, ilk növbədə, ölkəmizin maraqlarını qorumağa borcluyam və bunu edirəm.

InterPress.ge xəbər verir ki, bu barədə  Gürcüstanın baş naziri İrakli Ğaribaşvili jurnalistlərlə söhbətində bildirib.

Hökumət başçısı qeyd edib ki, Ukrayna hökumətinin rəsmiləri, o cümlədən Təhlükəsizlik Şurasının katibi Gürcüstanda ikinci cəbhə açmaq, ukraynalı qadın və uşaqlarla yanaşı gürcüləri də öldürmək istədiklərini açıq şəkildə bəyan ediblər.

İrakli Ğaribaşvilinin sözlərinə görə, biz oxşar məzmunlu çoxlu bəyanatlar eşitmişik və hakimiyyət ictimaiyyətə açıqlanmayan daha çox məlumat bilir.

“Müharibəyə qoşulma mövzusuna gəlincə, açıq şəkildə çox şeylər deyilir və deyilmir, amma mən sizə bir şeyi deyim ki, Ukrayna hökumətinin rəsmiləri, o cümlədən təhlükəsizlik şurasının katibi, ikinci A cəbhəsi açmaq istədiklərini açıq şəkildə bildirdilər ki, təkcə ukraynalı qadın və uşaqlar deyil, gürcülər də öldürülsün
Bu, onun rəsmi açıqlaması idi. Bundan əlavə, biz buna bənzər çoxlu açıqlamalar eşitmişik və daha çox məlumatımız var, təəssüf ki, ictimaiyyətə açıqlanmır, amma şükürlər olsun ki, bu gün ölkədə hakim partiya Gürcü arzusudur və hamımız, hökumət qərara gəldi ki, bizim üçün əsas, ali maraqlar xalqımızın, ölkənin, Gürcüstanın maraqlarıdır. Bir daha təkrar etmək istəyirəm, biz bütün ölkələrə hörmət edirik, bütün xalqlara hörmət edirik, lakin biz hamıdan çox ölkəmizi sevirik və ən çox da ölkəmizin maraqlarını qoruyacağıq. Ölkəmizin Baş naziri kimi mən ilk növbədə ölkəmizin mənafeyini qorumağa borcluyam və bunu edirəm”, - Baş nazir bildirib.