Yaponiya hökuməti Ukraynanın kritik infrastrukturunun bərpası üçün 170 milyon dollar ayıracaq

Yaponiya hökuməti Ukraynanın kritik infrastrukturunun bərpası üçün 170 milyon dollar ayıracaq.

InterPress.ge xəbər verir ki, bu barədə Ukraynanın yenidənqurma üzrə baş nazirinin müavini, ərazilər və infrastrukturun inkişafı naziri Aleksandr Kubrakov məlumat verib.

“Bu bərpa mərhələsində şübhəsiz prioritet vətəndaşların əsas ehtiyaclarını ödəmək üçün zəruri olan mühüm infrastrukturun bərpasıdır. Bu, ukraynalıları öz evlərinə qaytarmaq və regionların iqtisadi inkişafına kömək etmək üçün zəruri addımdır”, - nazir bildirib.

Kubrakov aydınlaşdırıb ki, yardıma yapon tərəfdaşları tərəfindən yenidənqurma üçün lazım olan mal və xidmətlərin təqdim edilməsi daxildir.