Gürcüstanla Norveç arasında futbol matçı baş tutub

Futbol üzrə Gürcüstan millisi Norveçlə oyunu heç-heçə başa vurub.

InterPress.ge xəbər verir ki, Avropa çempionatının seçmə turnirində Gürcüstan və Norveç yığmaları arasında hesab 1:1 başa çatıb.

Batumidə, “Acarabet Arena”da ilk qolu on beşinci dəqiqədə Norveç millisinin futbolçusu Aleksandr Siorlot vurub.

Gürcüstan millisinin futbolçuları ikinci hissədə hesabı bərabərləşdirə biliblər. Qolun müəllifi Giorgi Mikoutadze olub, o, 59-cu dəqiqədə hesabı bərabərləşdirib.