Cozef Borrell - Aİ ölkələri Qəzzada humanitar fasilə verilməsini istəyir
Aİ-nin bütün 27 üzv ölkəsi humanitar yüklərin Qəzzaya daxil olmasına icazə verilməsi üçün təcili humanitar fasilə tələb edir.
InterPress.ge xəbər verir ki, bu barədə Aİ-nin xarici işlər və təhlükəsizlik siyasəti üzrə ali nümayəndəsi Cozef Borrell Brüsseldə Xarici Əlaqələr Şurası başlamazdan əvvəl jurnalistlərə bildirib.
“Biz Aİ-nin bütün 27 üzvü adından bir bəyanatla razılaşa bildik. Bu bəyanatda ölkələr Qəzzadakı ağır vəziyyəti həll etmək üçün təcili humanitar fasilələrə və dəhlizlərə çağırır. Biz İsraildən mülki insanların həyatını xilas etmək üçün maksimum təmkin nümayiş etdirməsini tələb etdik. Xəstəxanadakı insanların HƏMAS tərəfindən canlı qalxan kimi istifadəsini pisləyirik, lakin bombardman nəticəsində xəstəxanalardakı ağır vəziyyətdən də narahat olduğumuzu bildiririk", - Borrell bildirib.
Xatırladırıq ki, Xarici Əlaqələr Şurası Brüsseldə keçirilir və orada Yaxın Şərqdəki vəziyyəti, Rusiyanın Ukraynaya təcavüzünü, Ermənistan və Azərbaycanla bağlı məsələləri müzakirə edirlər.
