Avropa Şurası Gürcüstanı prioritet islahatlar baxımından irəliləməyə çağırıb
Avropa Şurası Ukrayna və Moldova Respublikasının Aİ yolunda zəruri islahatların aparılmasında irəliləyişini alqışlayır. Avropa Şurası Gürcüstanın hazırkı səylərinə diqqət çəkir və ölkəni prioritet islahatlar baxımından irəliləməyə çağırır.
InterPress.ge xəbər verir ki, bu barədə Avropa Şurasının iki günlük sammitinin birinci günü başa çatdıqdan sonra dərc olunmuş yekunda deyilir.
"Ukrayna və Moldova Respublikası üçün danışıqlar çərçivəsi layihəsini təqdim etdikdən sonra Avropa Şurası Avropa İttifaqı Şurasına onları tez bir zamanda qəbul etməyə və işi rəvan şəkildə aparmağa dəvət edir", - deyə bildirilib.
Aİ liderləri deyirlər ki, Avropa Şurası gələcək iş üçün yol xəritəsi üzrə nəticələrə gəlmək üçün növbəti iclasda daxili islahatları müzakirə edəcək.
"Avropa Şurası genişlənməyə və daxili islahatlara hazırlığı qiymətləndirib və bildirib ki, həm gələcək üzv dövlətlərin, həm də Aİ-nin üzvlüyə hazır olmasını təmin etmək üçün hər iki istiqamətdə iş paralel olaraq davam etməlidir. Avropa Şurası 2024-cü ilin yayına qədər gələcək işlər üçün yol xəritəsi ilə bağlı nəticələrə gəlmək üçün növbəti iclasda daxili islahatları müzakirə edəcək”, - Aİ liderləri bildiriblər.
Sənədə əsasən, Komissiyanın 12 mart 2024-cü il tarixli tövsiyəsi əsasında Avropa Şurası Bosniya və Herseqovina ilə üzvlük danışıqlarına başlamaq barədə qərar qəbul edəcək .
"Avropa Şurası Komissiyanın 12 oktyabr 2022-ci il tarixli tövsiyəsində göstərilən bütün müvafiq addımların atıldığı anda qəbul edilməsi məqsədi ilə Komissiyanı danışıqlar üçün çərçivə hazırlamağa dəvət edir”, - sənəddə deyilir.
