Gürcüstan və Çexiya yığmaları arasında keçirilən görüş 1:1 hesablı bərabərliklə başa çatıb

Avropa çempionatında Gürcüstan və Çexiya yığmaları arasında keçirilən görüş 1:1 hesablı bərabərliklə yekunlaşıb.

InterPress.ge xəbər verir ki, nəticədə Gürcüstan millisi çempionatda ilk xalını qazanıb.

Qarşılaşmada ilk qolu 45-ci dəqiqədə 11 metrlik penalti ilə Gürcüstan millisinin futbolçusu Giorgi Mikoutadze vurub.

Çexlər görüşün ikinci hissəsində hesabı bərabərləşdirə bilib.

Görüş Hamburqda, Volksparkstadionda baş tutub.

İyunun 26-da Gürcüstan yığması Gelzenkirxendə Portuqaliya yığması ilə qarşılaşacaq.