Marneulidə Tasua yürüşü keçirilir

Bu gün, Marneulidə Tasua yürüşü keçirilir.

InterPress.ge xəbər verir ki, Tasua yürüşünə iştirak etmək istəyənlər Əhli-Beyt cəmiyyətinin qarşısında toplaşır.

Yürüş saat 11:00-da Marneulidə yerləşən Əhli-Beyt cəmiyyətinin qarşısından başlayacaq, İmam Əli (ə) məscidinin qarşısında sona çatacaq.

Qeyd edək ki, dini ədəbiyyatda “Tasua” dedikdə Məhərrəm ayının doqquzuncu günü nəzərdə tutulur. Hicri qəməri təqvimlə 61-ci ilin Məhərrəm ayının doqquzunda (Tasuada) Kərbəla çölündə İmam Hüseyn (ə) və onun yaxınları Ömər ibn Sədin (lən) qoşunları tərəfindən mühasirəyə alınıb. Həmçinin həmin vaxt əziz Peyğəmbərimizin (s) Əhli-beytindən olan İmam Hüseyn (ə) və onun yaxınlarının üzünə su yolları bağlanıb.