Ursula fon der Leyen Donald Trampa hücumla bağlı: Mən şokdayam- demokratiyada siyasi zorakılığa yer yoxdur

"Keçmiş prezident Donald Trampın seçkiqabağı görüşü zamanı baş verən atışma məni dərindən sarsıtdı".

InterPress.ge xəbər verir ki, bunu Avropa Komissiyasının prezidenti Ursula fon der Leyen X sosial şəbəkəsində yazıb.

Onun fikrincə, demokratiyada siyasi zorakılığa yer yoxdur.

“Donald Trampa tezliklə sağalmağı və günahsız qurbanın ailəsinə başsağlığı arzulayıram. Demokratiyada siyasi zorakılığa yer yoxdur”, - Ursula fon der Leyen yazıb.

Məlumat üçün bildirək ki, Donald Tramp Pensilvaniya ştatında tərəfdarları ilə görüş zamanı baş verən atışma nəticəsində yaralanıb. İclas iştirakçılarından biri həlak olub, iki iştirakçı isə ağır yaralanıb. ABŞ Məxfi Xidməti tərəfindən zərərsizləşdirilən silahlının özü də öldürülüb.