Yanvar-iyul aylarında Çinə birbaşa xarici investisiyalar 29,6% azalıb

Yanvar-iyul aylarında Çin iqtisadiyyatına yatırılan birbaşa xarici investisiyaların (BXİ) həcmi ötən ilin eyni dövrü ilə müqayisədə 29,6% azalaraq 539,47 milyard yuan (75,3 milyard dollar) təşkil edib.

InterPress.ge xəbər verir ki, bu barədə ölkənin Ticarət Nazirliyi məlumat yayıb.

Eyni hesabata görə, istehsal sektorunun payı 154,5 milyard yuan olub, ümumi investisiyanın 28,6%-ni təşkil edib.

Almaniyanın Çinə birbaşa xarici investisiyaları yanvar-iyul aylarında illik müqayisədə 26,4%, Sinqapurun isə 11% artıb.

Bundan əlavə, 7 ay ərzində ölkədə xarici kapitalın iştirakı ilə 31 654 yeni müəssisə qeydiyyata alınıb ki, bu da 2023-cü ilin müvafiq dövrünün göstəricisindən 11,4% çoxdur.

Məlum olduğu kimi, birbaşa xarici investisiyaların həcmi 2023-cü ilin sonunda 8% azalaraq 1,13 trilyon yuan təşkil edib.