Qazaxıstan, "Azərbaycan Hava Yolları" (AZAL) təyyarəsinin qara qutularının məlumatlarını Rusiyaya və Azərbaycana təhvil verilib

Qazaxıstan, “Azərbaycan Hava Yolları”nın (AZAL) təyyarəsinin qara qutularının şifrələnmiş məlumatlarını Rusiyaya və Azərbaycana verib.

InterPress.ge xəbər verir ki,  bu barədə, Qazaxıstanın baş nazir müavini və aviakatastrofaya dair araşdırma komissiyasının rəhbəri Kanat Bozumbaev məlumat verib.  

O bildirib ki, qara qutuların şifrələnmiş məlumatları, Qazaxıstanın Baş Prokurorluğunun rəhbərliyi altında fəaliyyət göstərən araşdırma qrupunun əlindədir və ekspertlər bu məlumatlar üzərində işləyirlər. Hazırda, qara qutuların nüsxələri həm Azərbaycan, həm də Rusiya tərəflərində mövcuddur. Bozumbaev, "Heç bir gizlədiləcək məlumatımız yoxdur", - deyə əlavə edib.

Qeyd edək ki, “Azərbaycan Hava Yolları”na məxsus Embraer 190 tipli sərnişin təyyarəsi 25 dekabr tarixində Aktau şəhərində qəzaya uğrayıb. Təyyarənin göyərtəsində olan 67 nəfərdən 38-i həyatını itirib. Medianın verdiyi məlumata görə, təyyarə Rusiyanın hava müdafiə sistemləri tərəfindən vurulub. Həmçinin, təyyarənin heç bir rus hava limanına eniş etməsinə icazə verilməyib və təyyarə şəhərə təcili eniş zamanı qəza keçirib.

Qazaxıstan, qara qutuları Braziliyaya göndərib, burada Braziliya Hava Qüvvələri məlumatları çıxarıb və Qazaxıstan hakimiyyətinə təhvil verib.