Ermənistanda qaz partlayışı zamanı yaşayış binası çöküb - Ölənlər var

Ermənistanın Çambarak şəhərində çoxmənzilli yaşayış binasında təbii qaz sızması nəticəsində baş verən partlayışda ölənlərin sayı 3-ə yüksəlib.

InterPress.ge xəbər verir ki, bu barədə ölkənin xilasedici xidmətindən məlumat verilib.

Hadisədən əvvəl yayılan ilkin məlumatlara görə, partlayış nəticəsində 2 nəfər ölmüş, 10 nəfər isə yaralanmışdı. Lakin axtarış-xilasetmə işləri zamanı dağıntılar altından daha bir sakinin cəsədi çıxarılıb.

Qurumun verdiyi məlumata əsasən, xəsarət alan şəxslər xəstəxanaya yerləşdirilib.

Xatırladaq ki, bu gün Çambarak şəhərində baş verən partlayış nəticəsində binanın ikinci, üçüncü və dördüncü mərtəbələrində yerləşən mənzillər tamamilə çöküb.