Telefonuza 112-dən gələn mesaj xəbərdarlıq edir...

Gürcüstanın 112 Xidmətinin yaydığı məlumata görə, 9 oktyabrdan 11 oktyabrın günün birinci yarısına qədər ölkə ərazisində hava şəraitinin kəskin şəkildə pisləşməsi gözlənilir.

Rəsmi açıqlamada qeyd olunur ki, yağış, ildırım, güclü külək və dolu ehtimalı var.

“Bildirmək istəyirik ki, 9 oktyabrdan 11 oktyabrın günün birinci yarısına qədər Gürcüstanda hava şəraiti kəskin şəkildə pisləşəcək. Əhalini ehtiyatlı olmağa çağırırıq,” – deyə 112-nin məlumatında vurğulanır.

Xidmət vətəndaşlara xəbərdarlıq edir ki, bu müddətdə mümkün təhlükələrin qarşısını almaq üçün yüksək dağlıq və çaykənarı ərazilərdə ehtiyat tədbirlərinə riayət etsinlər.