Mixeil Kavelaşvili 70 məhbusu əfv etdi

Mixeil Kavelaşvili Svetsitxeloba (Mtsxeta bayramı) münasibətilə 70 nəfəri əfv edib.

InterPress.ge xəbər verir ki, bu barədə məlumatı Prezident Administrasiyasının mətbuat xidməti yayıb.

Məlumata görə, əfv olunan şəxslərdən 42 nəfər azadlıqdan məhrumetmə ilə bağlı olmayan cəza çəkirdi, 24 nəfər isə həbsxanada idi. Bundan əlavə, 4 nəfərin məhkumluğu tamamilə aradan qaldırılıb.

Bəyanatda qeyd olunur ki, “Gürcüstan Prezidentinin Konstitusiya ilə ona verilmiş eksklüziv səlahiyyətdən istifadə qərarı humanizm prinsiplərinə və dövlət maraqlarına əsaslanır”.