İsrail parlamenti fələstinlilər üçün ölüm hökmü ilə bağlı qanunu qəbul etdi

İsrail parlamenti – Knesset İsrail vətəndaşlarının qətli ilə bağlı məhkum edilmiş fələstinlilər üçün ölüm hökmünü nəzərdə tutan qanun qəbul edib.

InterPress.ge xəbər verir ki, bu barədə The Guardian məlumat yayıb.

Qanuna əsasən, Qərb sahilində yaşayan və hərbi məhkəmə tərəfindən “terror aktı” kimi qiymətləndirilən ölümcül hücumlarda təqsirli bilinən fələstinlilər ölüm cəzasına məhkum edilə biləcək.

Layihə İsrailin milli təhlükəsizlik naziri İtamar Ben-Qvir-in ultrasağçı “Otsma Yehudit” partiyası tərəfindən irəli sürülüb və parlamentdə 62 lehinə, 48 əleyhinə səslə qəbul edilib.

Qanuna görə, ölüm cəzasına məhkum edilən şəxslər xüsusi müəssisədə saxlanılacaq, onların ziyarəti yalnız səlahiyyətli şəxslərlə məhdudlaşdırılacaq, hüquqi məsləhətlər isə yalnız video əlaqə vasitəsilə mümkün olacaq.

Həmçinin, hökm çıxarıldıqdan sonra 90 gün ərzində məhkumların asılaraq edam ediləcəyi nəzərdə tutulur.

Qanun Avropa ölkələri və yerli hüquq müdafiə təşkilatları tərəfindən tənqid edilib. İsraildə fəaliyyət göstərən hüquq müdafiə qrupları və müxalif deputatlar sənədin İsrail Ali Məhkəməsi-ndə mübahisələndiriləcəyini bildiriblər.