Abbas Araqçi: Hörmüz boğazında kommersiya gəmilərinin hərəkəti tam açıq olacaq

“Hörmüz boğazında bütün kommersiya gəmilərinin hərəkəti atəşkəs müddətində tam sərbəst olacaq.”

InterPress.ge xəbər verir ki, İranın xarici işlər naziri Abbas Araqçi bu barədə sosial şəbəkədə paylaşım edib.

Onun sözlərinə görə, qərar Livanda əldə olunan atəşkəs razılaşmasına uyğun qəbul edilib. Bildirilib ki, gəmilərin hərəkəti Hörmüz boğazında İranın limanlar və dənizçilik təşkilatının müəyyən etdiyi koordinasiyalı marşrut üzrə həyata keçiriləcək.

Nazir qeyd edib ki, atəşkəs müddəti ərzində beynəlxalq kommersiya gəmilərinin boğazdan keçidi tam təmin olunacaq.