İrakli Kobaxidze: Gürcüstan Orta Dəhlizin ayrılmaz hissəsidir

“Gürcüstan Cənubi Qafqazın və Orta Dəhlizin ayrılmaz hissəsidir. Bu isə Mərkəzi Asiya ilə Avropanın bir-biri ilə daha sıx əlaqələndirilməsi üçün bizi əlverişli mövqeyə çıxarır”.

InterPress.ge xəbər verir ki, bunu Gürcüstanın Baş naziri İrakli Kobaxidze BMT Baş Assambleyasının 81-ci sessiyasında çıxışı zamanı bildirib.

Hökumət başçısının sözlərinə görə, ölkənin strateji yerləşməsi və Qara dənizə birbaşa çıxışının olması ticarət və investisiyaların təşviqi baxımından əlverişli amillərdir.

“Gürcüstan Cənubi Qafqazın və Orta Dəhlizin ayrılmaz hissəsidir. Bu isə Mərkəzi Asiya ilə Avropanın bir-biri ilə daha sıx əlaqələndirilməsi üçün bizi əlverişli mövqeyə çıxarır.

Strateji yerləşməyimiz və Qara dənizə birbaşa çıxışımız ticarət və investisiyaların təşviqi üçün mühüm amillərdir. Bundan əlavə, dənizə çıxışı olmayan ölkələrə qlobal təchizat zəncirlərinə qoşulmaq imkanı yaradır.

Azad ticarət haqqında imzalanmış sazişlər vasitəsilə təxminən 2,3 milyard istehlakçıdan ibarət bazara çıxışı təmin edən şəbəkə yaratmışıq”, – deyə Baş nazir bildirib.