Gürcüstan atəşkəs razılaşmasına münasibət bildirdi

Gürcüstan Azərbaycan və Ermənistan arasında atəşkəs razılaşmasını alqışlayır.

InterPress.ge xəbər verir ki, bu haqda Gürcüstanın Xarici İşlər Nazirliyi məlumat yayıb.

Xarici İşlər Nazirliyi, danışıq yolu ilə münaqişənin həllində irəliləyiş əldə olunacağına ümid edir.

"Gürcüstan Azərbaycanla Ermənistan arasındakı atəşkəs razılaşmasını alqışlayır və gələcək danışıqların münaqişənin həllində və davamlı sülhün bərqərar olmasına gətirib çıxaracağına ümid edir və bu bölgədə təhlükəsizlik və firavanlığın möhkəmlənməsinə kömək edəcək" - deyə XİN-nin bəyanatında qeyd olunur.