Gürcüstanda yeni növ koronavirusdan (COVİD-19) sağalanların sayı artdı

Gürcüstanda daha 17 nəfər koronavirusdan müalicə olunaraq sağalıb.

InterPress.ge xəbər verir ki, bu barədə Gürcüstan hökumətinin koronavirusla bağlı xüsusi rəsmi saytında bildirilib.

Belə ki, ölkəmizdə COVID-19 infeksiyasından sağalanların ümumi sayı 240-a çatıb.

Məlumata görə, ölkədə karantində 4887, stasionar nəzarətdə isə 500 nəfər saxlanılır.

Qeyd edək ki, bu günə qədər Gürcüstanda COVID-19 infeksiyasına 604 nəfər yoluxub, onlardan 9 nəfər dünyasını dəyişib.