Gürcüstanda koronavirusa yeni yoluxma hallarının sayı kəskin azaldı

Gürcüstanda yeni növ koronavirusa (COVID-19) 3 yeni yoluxma halı qeydə alınıb.

InterPress.ge-nin xəbərinə görə, bu barədə Gürcüstan hökumətinin koronavirusla mübarizə çərçivəsində yaratdığı xüsusi internet saytında bildirilib.

Bununla da ölkədə virusa yoluxanların sayı 626 nəfərə çatıb.

Eyni zamanda koronavirusdan son 24 saat ərzində 9 nəfərin sağaldığı qeyd olunur. Belə ki, ölkəmizdə sağalanların sayı 297-ə çatıb.

Qeyd olunub ki, koronavirus səbəbi ilə 4702 nəfər karantində saxlanılır, 459 nəfər isə stasionar şəraitdə müalicə olunur.

Qeyd edək ki, koronavirus səbəbi ilə 10 nəfər vəfat edib.

Xatırladaq ki, Gürcüstanda yeni növ koronavirusa ilk yoluxma halı fevralın 26-da təsdiqlənib.